Ղրղզստանում պաղպաղակ տեղափոխող բեռնատարը վրաերթի է ենթարկել «Մանաս» էպոսը բաց երկնքի տակ կատարող 29 երեխաների։ Ինչպես հաղորդում է «Կաբար» գործակալությունը, միջադեպը տեղի է ունեցել Ժերգե Թալ գյուղում:

Միջադեպի պահին վարորդը ղեկին չի եղել: Նա մեքենան կանգնեցրել է բլրի վրա, ինչից հետո այն առաջ է շարժվել ու մխրճվել երեխաների խմբի մեջ:

Առողջապահության նախարարության տվյալներով՝ արտակարգ պատահարի հետևանքով 18 երեխա հոսպիտալացվել է: Նրանցից յոթը վերակենդանացման բաժանմունքում են, եւս երեքը ծանր վիճակում են։ Մյուսներին ազատ են արձակել ամբուլատոր բուժման։ Տուժած երեխաները 9-ից 16 տարեկան են: