Ահա թե ինչու մենք պետք է զինվենք․ չեմ բացառում միջամտությունը․ Մակրոն

Եվրոպան պետք է պատրաստ լինի զսպել Ռուսաստանին, Եթե Մոսկվան «շատ հեռուն գնա» Ուկրաինայի հակամարտությունում: այս մասին հայտարարել Է Ֆրանսիայի նախագահ Էմանուել Մակրոնը Իքս սոցցանցում:

«Եթե ինչ — որ պահի ռուսները շատ հեռուն գնան, մենք՝ բոլոր եվրոպացիներս, պետք է պատրաստ լինենք գործելու, որպեսզի զսպենք նրանց», - ասել է նա՝ պատասխանելով սոցցանցերի օգտատերերի հարցերին:

Դրա հետ մեկտեղ, ինչպես հայտարարել Է Մակրոնը, ինքը «ամբողջ ուժով հույս ունի», որ Փարիզը ստիպված չի լինի ռազմական գործողությունների մեջ մտնել: Նրա խոսքով՝ Ֆրանսիան «պատերազմի տերություն չէ, այլ խաղաղության տերություն», բայց եթե Եվրոպան խաղաղություն է ուզում, անհրաժեշտ է «պաշտպանել այն»:

«Ահա թե ինչու մենք պետք է զինվենք։ Եթե դուք շատ հեռուն գնաք և սպառնաք իմ շահերին և իմ սեփական անվտանգությանը, ապա ես չեմ բացառում միջամտությունը», — հավելել Է նախագահը: