Ես կոչ եմ անում մյուսներին ավելի շատ ականջալուր լինել Չինաստանի նախագահին. Վուչիչ

Սերբիայի նախագահ Ալեքսանդր Վուչիչը համաշխարհային հանրությանը կոչ է արել ականջալուր լինել Չինաստանի նախաձեռնություններին, որոնք ուղղված են հակամարտությունների դադարեցմանը: Այս մասին տեղեկացնում է ՏԱՍՍ-ը:

«Ինձ համար սա չափազանց կարևոր այց է։ Անկեղծ ասած, ամբողջ աշխարհում մարդիկ, անկախ այն բանից, թե ինչ են ասում հրապարակավ, մեծ հույսեր են կապում Չինաստանի նախագահ Սի Ցզինպինի նախաձեռնությունների հետ ՝ հուսալով, որ այդ նախաձեռնությունները խաղաղություն կբերեն: Ես դա շատ լավ գիտեմ, քանի որ շփվել եմ բոլորի հետ:  Նախագահ Սի Ցզինպինը համաշխարհային առաջնորդ է, որն իսկապես կարող է իր ներդրումն ունենալ մի շարք պատերազմների դադարեցման և հարատև խաղաղության հաստատման գործում: Ես կոչ եմ անում մյուսներին ավելի շատ ականջալուր լինել Չինաստանի նախագահ Սի Ցզինպինի կարծիքին եւ փոխզիջումների գնալ ՝ հաշտեցման հասնելու համար, քանի որ վերջին հաշվով մեր ընդհանուր շահերն են խաղաղությունն ու հանգստությունը», - ասել է Նա Չինաստանի կենտրոնական հեռուստատեսությանը տված հարցազրույցում՝ Չինաստանի ղեկավարի Բելգրադ կատարած այցի նախաշեմին: