Ոչնչացվել են տասնյակ տներ, կան զոհեր. ԱՄՆ-ում մոլեգնել Է առնվազն 27 ավերիչ տորնադո։

Բնական աղետը պատել է Նեբրասկան, Այովան, Տեխասը և Օկլահոման։ DW-ն (Deutsche Welle) գրում է առնվազն 27 հզոր տորնադոների մասին։

Օկլահոմա նահանգում առնվազն 100 մարդ վիրավորվել է, 4-ը՝ զոհվել, այդ թվում՝ երեխա, գրում է AP-ն (Associated Press)։ Երկու մարդ զոհվել է Հոլդենվիլում, մեկը՝ Մարիետայում։

Տորնադոն սկսել է մոլեգնել դեռևս ապրիլի 28-ին՝ երկրի կենտրոնական մասում տեղացած հորդառատ անձրևների ֆոնին։