Հնդկաստանը կավելացնի սպառազինությունների արտահանումը. ՊՆ

Հնդկաստանի պաշտպանական արտահանումը, որը 2023-2024 ֆինանսական տարում գերազանցել է 2,5 միլիարդ դոլարը, կշարունակի ավելանալ։ Այս մասին հայտարարել է երկրի պաշտպանության նախարար Ռաջնաթ Սինգհը։

«2014 թվականին մենք արտահանել ենք 6 միլիարդ ռուփիի (72 միլիոն դոլար) պաշտպանական արտադրանք, բայց այժմ այդ թիվը գերազանցել է 210 միլիարդ ռուփին (2,5 միլիարդ դոլար), և ես կարող եմ ասել, որ այն կաճի», - ասել է նա:

Պաշտպանության նախարարը նշել է նաև, որ այսօր Հնդկաստանի պաշտպանական արտադրության ծավալը հասել է 12 մլրդ դոլարի։

Ստոկհոլմի խաղաղության խնդիրների հետազոտության միջազգային ինստիտուտի վերջին զեկույցի համաձայն՝ Հնդկաստանը 2023 թվականին ռազմական ծախսերի ցուցանիշով աշխարհում զբաղեցրել է չորրորդ տեղը, իսկ Նյու Դելիի սպառազինության ծախսերը կազմել են 83,6 միլիարդ դոլար: