Իսրայելական գործողությունը Ռաֆահում կսկսվի մոտ օրերս. Պաղեստինի նախագահ
Պաղեստինի նախագահ Մահմուդ Աբասը կարծում է, որ իսրայելական ռազմական գործողությունը Գազայի հատվածի հարավում գտնվող Ռաֆահ քաղաքում կսկսվի առաջիկա մի քանի օրվա ընթացքում։
«Մի քանի օրից Իսրայելը ռազմական գործողություն կսկսի Ռաֆահ քաղաքում, քանի որ Գազայում մնացած բոլոր պաղեստինցիները հավաքվել են այնտեղ: Մեկ հարվածը բավական կլինի՝ նրանց բոլորին ստիպելու լքել Պաղեստինի տարածքը»,- ասել է Պաղեստինի նախագահը։
Ըստ Աբասի՝ եթե դա տեղի ունենա, ապա «աշխարհը ականատես կլինի Պաղեստինի պատմության ամենամեծ աղետին», հաշվի առնելով, որ արաբական հարևան երկրները՝ Եգիպտոսը և Հորդանանը, «վճռականորեն հրաժարվել են ընդունել պաղեստինցի փախստականներին»:
Իր ելույթի վերջում Աբասը դիմել է Միացյալ Նահանգներին՝ որպես «միակ երկիր, որը կարող է կանգնեցնել Իսրայելին՝ պահանջելով ազդեցություն ունենալ հրեական պետության վրա և ստիպել նրան հրաժարվել Ռաֆահում գործողության ծրագրերից»։
