Ամերիկացի միլիարդատեր և գյուտարար Իլոն Մասկը Պեկինում հանդիպել է Չինաստանի վարչապետ Լի Ցյանի հետ, հայտնում է CCTV-ն։

Նշվում է, որ հանդիպման ընթացքում Լի Ցյանը հույս է հայտնել, որ ԱՄՆ-ն հավատարիմ կմնա Չինաստանի հետ փոխշահավետ համագործակցությանը։

Նա նաև էլեկտրական մեքենաներ արտադրող Tesla-ի գործունեությունը Չինաստանում տնտեսական համագործակցության հաջող օրինակ է անվանել։

Հիշեցնենք, որ Մասկի այցից քիչ առաջ ԱՄՆ պետքարտուղար Էնթոնի Բլինքենն էր այցելել Չինաստան և տուն վերադառնալուց հետո Պեկինին մեղադրել ԱՄՆ նախագահական ընտրություններին միջամտելու փորձի մեջ։