ՏԵՍԱՆՅՈՒԹ. Ես չեմ դադարելու պայքարից, ինչ ուզում են անեն, ինձ չեն լռեցնի. Միհրան Մախսուդյան

Ես սրան սպասում էի, որ նման խուլիգանություն պիտի անեն իմ հանդեպ, իմ տղայի հանդեպ՝ փորձելով ինձ լռեցնել: Այս մասին լրագրողների հետ զրույցում ասել է պահեստազորի գնդապետ Միհրան Մախսուդյանը, որը լինելով ոսկեպարցի, բողոքի առաջին իսկ օրերին պայքարում էր տավուշցիների հետ մեկտեղ:

«Ես չեմ դադարելու պայքարից, ինչ ուզում են անեն, ես իմ պայքարից հետ չեմ կանգնելու, պայքարելու եմ իմ հողի համար, որ թուրք շան ոտքը չմտնի մեր տարածք: Իմ սկզբունքն է՝ մահ կամ ազատություն: Սրանով ինձ չեն վախեցնելու եւ արդարությունը կհաղթի»,-ասել է նա:

Մախսուդյանը նշել է, որ խուլիգանության հոդվածով է մեղադրանք առաջադրվել, որը վերաբերում է երկրապահի անդամների հետ կապված միջադեպին:

Ավելի վաղ հայտնել էինք, որ բերման է ենթարկվել, այնուհետեւ ձերբակալվել է պահեստազորի գնդապետ Միհրան Մախսուդյանի որդին: