Շոլցը հավատում է Բաքվի և Երևանի միջև խաղաղության համաձայնագրի մոտալուտ ստորագրմանը
Գերմանիայի կանցլեր Օլաֆ Շոլցը հավատում է Բաքվի և Երևանի միջև խաղաղության համաձայնագրի մոտալուտ ստորագրմանը։
Շոլցը Ադրբեջանի նախագահ Իլհամ Ալիևի հետ ընդլայնված կազմով հանդիպումից հետո կայացած մամուլի ասուլիսում հայտարարել է, որ քննարկելու շատ թեմաներ ունեն։
Նա նշել է, որ հանդիպմանը քննարկվել է Հայաստանի և Ադրբեջանի միջև հարաբերությունների կարգավորման հարցը:
«Լավ է, որ երկու երկրների ղեկավարները երկխոսության մեջ են: Վերջին հանդիպման ժամանակ դուք ասացիք, որ բոլոր հարցերը կլուծվեն։ Ես ակնկալում եմ, որ երկու կողմերն էլ կցուցաբերեն անհրաժեշտ կառուցողականություն»,-ասել է նա։
Կանցլերն ասել է, որ ստացել է Հայաստանի և Ադրբեջանի միջև սահմանազատման գործընթացի մեկնարկի լուրը։ Դրական գնահատելով դա՝ Օլաֆ Շոլցն ասել է, որ հավատում է, որ այս տարի խաղաղության պայմանագիր կստորագրվի։
