Ռուսաստանը երբեք չի սպառնացել ՆԱՏՕ-ին․ Շոյգու

Ռուսաստանը Հյուսիսատլանտյան դաշինքի (ՆԱՏՕ) երկրների վրա հարձակվելու պլաններ չունի և երբեք չի ունեցել: Այս մասին հայտարարել է ՌԴ պաշտպանության նախարար Սերգեյ Շոյգուն։

«Ռուսաստանի Դաշնությունը երբեք չի սպառնացել ՆԱՏՕ-ին։ Մենք ո՛չ աշխարհաքաղաքական, ո՛չ էլ ռազմական շահ չունենք դաշինքի երկրների վրա հարձակվելու համար։ Մենք պարզապես պաշտպանում ենք մեր մարդկանց մեր պատմական տարածքներում», - ասել է Շոյգուն Աստանայում Շանհայի համագործակցության կազմակերպության (ՇՀԿ) անդամ երկրների պաշտպանության նախարարների հանդիպման ժամանակ։

Նա ընդգծել է, որ ՌԴ-ն միշտ գործադրել է «առավելագույն ջանքեր աշխարհում ռազմավարական կայունության և ուժերի հավասարակշռության պահպանման համար»: