Բելառուսի անվտանգության խորհրդի պետական քարտուղարի առաջին տեղակալ Պավել Մուրավեյկոն ՏԱՍՍ ռուսաստանյան լրատվական գործակալությանն ասել է, որ Ռուսաստանի և Բելառուսի վրա Արևմուտքի հարձակումները տանում են դեպի հակամարտություն, բայց Մոսկվան և Մինսկն ամեն ինչ անում են կայունություն ապահովելու համար: 

Նա ուշադրություն է հրավիրել «ագրեսիվ հարձակումների» վրա, որոնց ենթարկվում են Ռուսաստանը և Բելառուսը, «դրանք են պատժամիջոցները, փակ սահմանները, սահմանին պարիսպ կառուցելը և մարտական ստորաբաժանումներ մոտեցնելը»։

«Այս ամենը խոսում է այն մասին, որ օդում պատերազմի հոտ է գալիս, բայց Բելառուսի Հանրապետության ղեկավարությունը և Ռուսաստանի Դաշնության ղեկավարությունն արևմտյան ուղղությամբ» անում են հնարավորը և նույնիսկ անհնարինը՝ խաղաղությունը և կայունությունը պահպանելու համար», - ասել է Մուրավեյկոն:

Ռազմավարական զսպող գործոնների թվում նա նշել է Բելառուսի տարածքում ռուսական մարտավարական միջուկային զենքի տեղակայումը և բելառուսական բանակի ակտիվ վերազինումը: