ՏԵՍԱՆՅՈՒԹ․ Ռուս զբոսաշրջիկների ակցիան Դուբայի օդանավակայանում
Դուբայի օդանավակայանում մինի-խռովություն են կազմակերպել ռուս զբոսաշրջիկները։ Նրանք արդեն երրորդ օրն է չեն կարողանում դուրս գալ երկրից։
Ցուցարարները վանկարկում են «տուն» ու ծափ են տալիս, ակցիան տևել է մոտ 30 րոպե։ Զբոսաշրջիկների փոխանցմամբ՝ Emirates-ի ներկայացուցչությունը նրանց անտեսում է, իսկ սննդից միայն մեկ կտրոն են տվել McDonald 's-ի սննդի համար, որում սնունդ չի եղել:
Դուբայում խաթարվել է ավիահաղորդակցությունը հորդառատ անձրևների և ջրհեղեղի պատճառով։ Dubai Airports ընկերության գլխավոր գործառնական տնօրենը WAM գործակալությանը հայտնել է, որ օդանավակայանը նախատեսում է լիարժեք կանոնավոր աշխատանքի վերադառնալ 24 ժամվա ընթացքում։
