«Մենք շարունակում ենք միլիարդավոր դոլարների նվերներ բաժանել». Թրամփ
Հանրապետական կուսակցությունը դիտարկում է Ուկրաինային տրամադրվող օգնությունը վերականգնելու հնարավորությունը, բայց միայն որպես վարկեր, հայտարարել է ԱՄՆ նախկին նախագահ Դոնալդ Թրամփը: Տեղեկատվությունը փոխանցում է rbc.ru-ն:
«Ինչ վերաբերում Է Ուկրաինային օգնության մասին օրինագծին. մենք մտածում ենք այն վարկի տեսքով դարձնելու մասին, այլ ոչ թե պարզապես նվեր: Մենք շարունակում ենք միլիարդավոր դոլարների նվերներ բաժանել», — ընդգծել Է Թրամփը։
Նա նաև կոչ է արել եվրոպական երկրներին քայլ առաջ անել Ուկրաինային օգնելու հարցում, քանի որ, նրա կարծիքով, ուկրաինական հակամարտությունից նրանք ավելի շատ են տուժել:
«Ուկրաինայում իրավիճակը երբեք չէր լինի, եթե ես լինեի նախագահ։ Եվ դա բոլորը ասում են, ներառյալ դեմոկրատները, դա վրդովմունք է առաջացնում մարդկանց մոտ: Միլիոնավոր մարդիկ զոհվում են, միլիոնավոր մարդիկ ՝ երկու կողմից», — հավելել է ԱՄՆ նախկին նախագահը։
