Նրանք չեն ցանկանում` ՀՀ-ի և Ադրբեջանի միջև ՌԴ-ի օգնությամբ ձեռք են բերված պայմանավորվածություններն իրականացվեն. Լավրով

Արևմուտքը փորձում է խարխլել Հարավային Կովկասում իրավիճակի կայունացման պայմանավորվածությունները: Այս մասին այսօր Մինսկում ԱՊՀ անդամ երկրների արտգործնախարարների խորհրդի նիստի արդյունքներով մամուլի ասուլիսում ասել է ՌԴ ԱԳ նախարար Սերգեյ Լավրովը։

«Միացյալ Նահանգները և նրա արբանյակները փորձում են խարխլել Հարավային Կովկասում իրավիճակի կայունացման պայմանավորվածությունները: Նրանք չեն ցանկանում, որ իրականացվեն այն պայմանավորվածությունները, որոնք ձեռք են բերվել Հայաստանի և Ադրբեջանի միջև Ռուսաստանի օգնությամբ»,- ասել է նա:

ՌԴ ԱԳ նախարարը Մինսկում կայացած մամուլի ասուլիսում նշել է, որ Արեւմուտքը նույնպես փորձում է ակտիվորեն ներթափանցել Կենտրոնական Ասիա։

«Նրանք ստեղծում են տարբեր ձևաչափեր, որոնք բացահայտ ուղղված են Ռուսաստանի Դաշնության դեմ։ Ռազմավարական առումով Արևմուտքի գիծը դատապարտված է ձախողման»,- հավելել է նա։