Առաջարկում եմ Ազգային ժողովում կազմակերպել այրան հավաքի շրջիկ կետ. Ավանեսյան

Ոչ միայն Հայաստանում, այլև ընդհանրապես աշխարհում աճում է արյան դոնորության կարիքը: Այս մշակույթը, ցավոք սրտի, դեռ Հայաստանում տարածում չունի, և մենք պետք է սովորենք տարին մեկ անգամ գնալ, արյուն հանձնել, որովհետև որևէ դեղամիջոց չկա արյանը փոխարինող: Այս մասին այսօր՝ ապրիլի 11-ին, Ազգային ժողովի ամբիոնից հայտարարել է Առողջապահության նախարար Անահիտ Ավանեսյանը:

«Յոլյանի անվան արյունաբանական կենտրոնում ընթանում են արյան բանկի նոր մասնաշենքի կառուցման աշխատանքները: Մենք մինչև տարվա վերջ կավարտենք և կունենանք ամբողջովին նոր համալրված արյան բանկ, որը ծառայելու է ամբողջ հանրապետության նաև ռազմավարական պաշարի և այլնի համար:

«Մարզային արյան կետերը ևս վերանորոգման և վերազինման գործընթացում են: Առաջիկայում կմեկնարկեն Գորիսի արյան կետի վերանորոգման աշխատանքները: Սարքավորումներն արդեն ունենք, և սպասում ենք՝ ավարտվի վերանորոգումը, և սարքավորումները կտեղադրենք: Առաջարկում եմ առաջիկա ամսվա ընթացքում Ազգային ժողովում կազմակերպել այրան հավաքի շրջիկ կետ և խորհրդարանին ևս դարձնել դոնորության մասնակից»,- ասել է նա: