2020-2023 թթ-ին ՀՀ կառավարությունը ԼՂ-ին 1,3 միլիարդ դոլար է տվել
2020-2023 թվականներին Հայաստանի կառավարությունը Լեռնային Ղարաբաղին տվել է 538 միլիարդ դրամ (1,3 միլիարդ դոլար)։ Այս մասին վարչապետ Նիկոլ Փաշինյանը հայտարարեց Ազգային ժողովում իր ելույթի ժամանակ ՝ արձագանքելով այն մեղադրանքին, թե Հայաստանի իշխանությունները մենակ են թողել Լեռնային Ղարաբաղին։
«Ասում են Լեռնային Ղարաբաղին մենակ թողեց այս իշխանությունը։ 2020-2023 թվականին Հայաստանի կառավարությունը Լեռնային Ղարաբաղին տվել է 538 միլիարդ դրամ(1,3 միլիարդ դոլար)։ Լեռնային Ղարաբաղում աշխատավարձը բարձր էր, քան Հայաստանում, Լեռնային Ղարաբաղում թոշակը բարձր էր, քան Հայաստանում։ Լեռնային Ղարաբաղը լուծարված է ձեր ձեռամբ»,- ասաց Փաշինյանը։
