ՏԵՍԱՆՅՈՒԹ․ Վարչապետը խոսել է բրյուսելյան հանդիպման մասին
Ապրիլի 5-ի Բրյուսելի հանդիպումն այն մասին չէ, որ ԵՄ-ն ու ԱՄՆ-ն գալու են ու լուծեն մեր խնդիրները։ Այս մասին վարչապետ Նիկոլ Փաշինյանը հայտարարեց ԱԺ-ում։
«Սա կարևոր եմ համարում բարձրաձայնել, որովհետև մեզանում երբեմն արհեստական, երբեմն էլ ոչ արհեստական սպասումներ են ձևավորվում, որ ինչ-որ բարեկամներ կամ դաշնակիցներ պետք է գան ու լուծեն մեր խնդիրները»,- ասաց նա:
Ըստ վարչապետի` պետք է ամրացնել այն գիտակցումը, որ մեր բոլոր խնդիրները մենք պետք է լուծենք:
«Դրանք մեր խնդիրներն են, սա, ի դեպ, ինքնիշխանության հոգեբանական բանաձևն է, որովհետև ինքնիշխանություն նշանակում է սեփական խնդիրների գիտակցում ու դրանց լուծման գնալու պատրաստակամություն»,- ասաց վարչապետը:
Փաշինյանը նաև հայտնեց, որ Հայաստանում ԵՄ քաղաքացիական դիտորդական առաքելության ժամկետը կարող է ևս 2 տարով երկարացվել։
Մանրամասները՝ տեսանյութում։
