Ֆինլանդիայում ՆԱՏՕ-ի շտաբ կստեղծեն ՌԴ-ի հետ սահմանին
Հյուսիսատլանտյան դաշինքի ցամաքային զորքերի շտաբը Հյուսիսային Եվրոպայի երկրներում ստեղծվել է ֆիննական Միկելիում, Ռուսաստանի հետ սահմանից մոտ 140 կմ հեռավորության վրա։ Այս մասին, վկայակոչելով իր աղբյուրները, հայտնում է IltaLehti թերթը։
Ֆինլանդիայում շտաբի ստեղծման մասին պարբերականին հայտնել է նաև Նորվեգիայի պաշտպանության նախարարը:
«Ֆինլանդիայում կտեղակայվի ՆԱՏՕ-ի ցամաքային զորքերի շտաբ։ Մեր պաշտպանության ուժերի հրամանատարը խորհուրդ է տվել դա անել», - նշել է Գրամը։
Խաղաղ պայմաններում շտաբը ծրագրելու և իրականացնելու է ՆԱՏՕ-ի ուսումնական միջոցառումները տարածաշրջանում:
Ստեղծվող կազմակերպությունը, այսպես կոչված, բարձր պատրաստության շտաբը, կաշխատի շուրջօրյա եւ կհնազանդվի ԱՄՆ-ի արեւելյան ափին գտնվող Նորֆոլկի կենտրոնակայանին, ասվում է հաղորդագրության մեջ:
Թերթը նշում է, որ այդ հարցն ընդգրկված է հուլիսին Վաշինգտոնում ՆԱՏՕ-ի գագաթնաժողովի օրակարգում: Միկկելիում է գտնվում Ֆինլանդիայի բանակի շտաբը։
