Նիկարագուան կխզի դիվանագիտական հարաբերությունները Էկվադորի հետ․ հայտնի է պատճառը
Նիկարագուայի ղեկավարությունը որոշել է խզել դիվանագիտական հարաբերությունները Էկվադորի հետ Կիտոյում Մեքսիկայի դեսպանատան վրա գրոհից հետո՝ այնտեղ թաքնված Էկվադորի նախկին փոխնախագահ Խորխե Գլասին ձերբակալելու համար։ Այս մասին հայտնում է ՏԱՍՍ-ը։
Հայտարարության մեջ Նիկարագուայի կառավարությունը նշում է, որ այս որոշումը կայացվել է Կիտոյի իրավապահ մարմինների կողմից իրականացված գործողությունների պատճառով։
Ավելի վաղ Էկվադորի նախկին նախագահ Ռաֆայել Կորեան ներողություն էր խնդրել Մեքսիկայից այն բանից հետո, երբ երկրի ոստիկանությունը ներխուժել էր Կիտոյում Մեքսիկայի դեսպանատուն:
