Ուկրաինայի ԶՈւ–ն հարված է հասցրել Խերսոնի մարզին. 5 մարդ վիրավորվել է
Խերսոնի մարզի Վելիկա Լեպետիխա գյուղի վրա ԱԹՍ–ների հարձակումից հետո 5 մարդ բեկորային վնասվածք է ստացել: Այս մասին հայտնել է տարածաշրջանի կառավարության ղեկավար Անդրեյ Ալեքսեենկոն։
«Այսօր ուկրաինացի նացիստների հարվածի տակ են հայտնվել Վելիկա Լեպետիխա շրջկենտրոնի խաղաղ մեքենաներն ու քաղաքացիական ենթակառուցվածքի օբյեկտները։ ԱԹՍ–ների հարձակումներից բեկորային վնասվածքներ են ստացել գյուղի 5 բնակիչ, նրանցից երկուսի վիճակը ծանր է»,- գրել է նա։
Ալեքսեենկոյի խոսքով՝ թռչող սարքերի ակտիվություն է նկատվում Դնեպրի երկայնքով անցնող 15– կիլոմետրանոց գոտում։
