Իրանի հետ հարաբերություններում լարվածության աճի ֆոնին Իսրայելի զգալի մասում GPS-ն արգելափակվում է հրթիռների և անօդաչու թռչող սարքերի արբանյակային նավիգացիան խախտելու համար: Այս մասին հաղորդու է BBC-ն։

Իրանը խոստացել է պատասխանել Սիրիայում իր հյուպատոսության շենքին երկուշաբթի օրը հասցված հարվածին: Այդ ժամանակ զոհվել էր 13 մարդ, այդ թվում՝ Իսլամական հեղափոխության պահապանների կորպուսի ազդեցիկ գեներալ Մոհամմադ Ռեզա Զահեդին։ Ենթադրվում է, որ հարվածը հասցրել է Իսրայելը. պաշտոնապես երկրի իշխանությունները դա չեն մեկնաբանել:

Իսրայելի պաշտպանության բանակը դադարեցրել է մարտական ստորաբաժանումների և ստորաբաժանումների բոլոր զինծառայողների արձակուրդները:

Նախօրեին երկրում կոչ են արել ՀՕՊ-ի պահեստազորայիններին։

Ինչպես նշում է լրատվամիջոցը՝ Իսրայելի իշխանությունները, որքան կարելի է դատել, հավանական են համարում, որ Իրանը կհարձակվի երկրի վրա արդեն ուրբաթ օրը: Սա Ալ-Քուդսի օրն է (Երուսաղեմի Արաբական անվանումը) և Ռամադանի սուրբ ամսվա վերջին ուրբաթը: Այդ օրը հաճախ են կազմակերպվում պաղեստինյան և հակաիսրայելական ակցիաներ, հատկապես Իրանում։

Հինգշաբթի Իսրայելի կենտրոնական հատվածում սկսել են լռեցնել GPS-ը՝ նաև խոշոր քաղաքներում, այդ թվում՝ Թել Ավիվի և Երուսաղեմի բնակիչները, որոնք գտնվում են Գազայի հատվածում ռազմական գործողությունների գոտուց հեռու: Աշխարհագրական դիրքից կախված հավելվածները խափանումներ են առաջացրել։

Այսպես, BBC-ի պրոդյուսերի մոտ, որը գտնվում էր Երուսաղեմում, հեռախոսը ցույց էր տալիս, որ նա գտնվում է Կահիրեում։

GPSJAM մոնիթորինգային ծառայությունը գրանցում է GPS-ի աշխատանքի համատարած խախտումները Իսրայելի տարածքում։

ՑԱԽԱԼ-ի պաշտոնական ներկայացուցիչ դերծովակալ Դանիել Հագարին հաստատել է, որ երկրում գործում է սպուֆինգ, այսինքն՝ GPS ազդանշանի նենգափոխում: Այս տեխնոլոգիան բազմիցս նկատվել է գործողության մեջ, օրինակ, Մոսկվայի Կրեմլի շուրջ:

Իսրայելում սպուֆինգը մշտապես գործում է վերջին կես տարում Լիբանանի հետ հյուսիսային սահմանին, որտեղ շարունակվում են փոխհրաձգությունները իրանամետ շիա ռազմականացված Հըզբոլլահ շարժման հետ:

Ինչպես հաղորդում Է Times of Israel-ը, իսրայելցիներին խորհուրդ է տրվում բջջային սարքերում իրենց գտնվելու վայրը ձեռքով սահմանել, որպեսզի հրթիռային հարձակումների եւ օդային տագնապի մասին նախազգուշացումները ճիշտ աշխատեն:

Զուգահեռաբար ՑԱԽԱԼ-ը իսրայելցիներին կոչ է արել զերծ մնալ խուճապային գնումներից։

«Կարիք չկա գեներատորներ գնել, սնունդ կուտակել և բանկոմատներից գումար հանել», - գրել է Հագարին X ցանցում: