ՀՀ–ում քաղբանտարկյալներ չկան. արդարադատության նախարար
Հայաստանում չկան քաղբանտարկյալներ։ Այս մասին ՀՀ կառավարության նիստից հետո ճեպազրույցի ժամանակ ասաց արդարադատության նախարար Գրիգոր Մինասյանը` պատասխանելով լրագրողի այն դիտարկմանը, որ վերջին կալանավորումներից հետո ընդդիմությունը պնդում է, որ ՀՀ–ում քաղբանտարկյալներ կան։
«Հայաստանը ժողովրդավարական երկիր է այնքանով, որքանով ամեն օր բացում ես սոցիալական ցանցերը և տեսնում, թե ինչքան ընդդիմադիրներ ու իրենց փաստաբաններ գոհունակություն են հայտնում այս կամ այն վճռով արդարացի որոշումից»,– ասաց նա։
Նախարարի խոսքով՝ լինի գործող, թե նախկին պաշտոնյա, իրականությունն այն է, որ ՀՀ–ում բոլորը պետք է իմանան և գիտեն, որ չկան յուրայիններ ու ոչ յուրայիններ. եթե մարդը կասկածվում է հանցագործության մեջ, անպայման իրավապահները համապատասխան գործողություններ են անում։
