Ֆրանսիային ասել ենք՝ չփորձի այլ ճանապարհներով աջակցել ՀՀ-ին, մեր սիրելի Ադրբեջանը մենակ չէ․ Չավուշօղլու

Որոշ երկրներ ՝ Ֆրանսիայի գլխավորությամբ, հունից դուրս են բերում Հայաստանը։ Այս մասին լրագրողների հետ զրույցում հայտարարել է ՆԱՏՕ-ի ԽՎ-ում Թուրքիայի Ազգային մեծ ժողովի պատվիրակության ղեկավար Մևլութ Չավուշօղլուն: Տեղեկությունը փոխանցում են ադրբեջանական լրատվամիջոցները։

«Մենք բազմիցս այդ մասին հայտարարել ենք Ֆրանսիայի ներկայացուցիչներին։ Նրանք պետք է հրաժարվեն Հայաստանին այլ միջոցներով աջակցելու փորձերից։ Թող նրանք չմոռանան, որ մեր սիրելի Ադրբեջանը երբեք միայնակ չի մնում», - ասել է նա։