Իսրայելը պատրաստվում է Իրանի հետ հնարավոր ռազմական բախման․ ՌԴ-ում Իսրայելի դեսպան
Իսրայելը միշտ պատրաստ է և պատրաստվում է Իրանի հետ հնարավոր ուղղակի ռազմական բախման։ Այս մասին ճեպազրույցի ժամանակ հայտարարել է ՌԴ-ում Իսրայելի դեսպան Սիմոնա Հալպերինը։ Տեղեկությունը փոխանցում է ՏԱՍՍ-ը։
«Իսրայելը միշտ պատրաստ է և պատրաստվում է», - ասել է նա՝ պատասխանելով ՏԱՍՍ-ի այն հարցին, թե արդյոք Իսրայելը թույլ է տալիս ուղղակի ռազմական բախում Իրանի հետ և պատրաստ է դրան:
Մեկնաբանելով Դամասկոսում իր հյուպատոսությանը հարվածելուց հետո Իրանի հնարավոր պատասխանը՝ դեսպանը պատասխանել է, որ Իսրայելը պատրաստ է ամեն ինչի:
«Պետք է միշտ պատրաստ լինել պաշտպանությանը», - ասաց նա:
Դեսպանը նաև հավելել է, որ Իսրայելի պատմությունը «ապացուցում է, որ երբ նրան սպառնում են ոչնչացնել, ապա դրան պետք է լուրջ վերաբերվել և պատրաստ լինել»:
Նրա խոսքով՝ Իսրայելը ոչինչ չի կարող ասել Դամասկոսում Իրանի հյուպատոսությանը հարվածելու մասին։
«Հարվածը ոչ թե հյուպատոսարանին էր, այլ մոտակայքում գտնվող շենքին», - ավելացրեց նա:
Նա նաև հայտնել է, որ եթե Իսրայելի հյուսիսում երկրորդ ճակատ բացվի, ապա Լիբանանի համար հետևանքները ծայրահեղ ծանր կլինեն:
