ՀՀ ԱԺ «Հայաստան» և «Պատիվ ունեմ» խմբակցություններն առաջարկում են հրատապ նիստ հրավիրել

ՀՀ ԱԺ «Հայաստան» և «Պատիվ ունեմ» խմբակցությունների պատգամավորները հանդես են եկել ԱԺ հրատապ նիստ հրավիրելու նախաձեռնությամբ։ Լրագրողների հետ զրույցում այս մասին հայտնել է «Հայաստան» խմբակցության պատգամավոր Արթուր Խաչատրյանը։

«Նիստի օրակարգում լինելու են սահմանազատման և սահմանագծման գործընթացի վերաբերյալ թեմաները։ Մեզ համար կան բազմաթիվ անհայտ հարցեր և մենք ակնկալում ենք, որ վերջապես իշխանությունները կներկայացնեն, թե ինչի հիման վրա են պնդում, թե Տավուշի մարզի տարածքի որևէ հատված պատկանում է Ադրբեջանին»,– նշել է Խաչատրյանը։

Պատգամավորն ընդգծել է, որ հրատապ նիստը կանցկացվի ԱԺ կանոնակարգի սահմանված կարգով, եկող քառօրյայի ընթացքում։