ՏԵՍԱՆՅՈՒԹ․ Թուրքիայում ընտրական միջադեպերի պատճառով զոհեր և վրավորներ կան

Թուրքիայում տեղական ինքնակառավարման մարմինների ընտրությունների քվեարկության հետ կապված միջադեպերի հետևանքով երկու մարդ Է զոհվել: Ինչպես հաղորդում է Anadolu գործակալությունը, Դիարբեքիրի հարավարեւելյան նահանգում գյուղական բնակավայրերում քաղաքացիների երկու խումբ վիճաբանություն են կազմակերպել վարչության ղեկավարի ընտրության պատճառով: Վեճը արագորեն վերածվեց զինված հակամարտության: Քաղաքացիները սկսել են հարձակվել միմյանց վրա՝ օգտագործելով փայտեր, քարեր և հրազեն։ Մեկ մարդ զոհվել է, 11-ը՝ վիրավորվել։ Շրջանում շարունակում են հերթապահել ժանդարմները, տուժածները տեղափոխվել են հիվանդանոցներ:  Տեղեկությունը փոխանցում է ՏԱՍՍ-ը։

Արեւմտյան Բուրսա նահանգում հակամարտության հետեւանքով զոհվել է մեկ տեղացի, տուժել՝ երկու մարդ, այդ թվում՝ երեք տարեկան երեխա: Հակամարտության պատճառ է դարձել այն, որ տեղի 32-ամյա բնակիչ Յուսուֆ Յիգիթն ընտրություններում պաշտպանել է մեկ այլ տեղական կլանի գյուղապետի պաշտոնի թեկնածուին, թեեւ նրա երկու ազգականները նույնպես առաջադրվել են այդ պաշտոնում: Յիգիթի և նրա երկու զարմիկների հանդիպման ժամանակ կատաղի վեճ է սկսվել, ինչի հետևանքով հարազատներից մեկը բռնել է հրացանը և կրակել է։ Յիգիթը տեղում մահացել է, երկու մարդ վիրավորվել է։

Նշվում է, որ նման միջադեպերը հազվադեպ չեն Թուրքիայի գյուղական շրջանների համար։ Այնտեղ հաճախ պահպանվում է կլանայնությունը, որը հասարակության բարձր քաղաքականացվածության հետ մեկտեղ կարող է հանգեցնել նման դեպքերի։