Կիևը կարող է կորցնել Օդեսան․ Մասկ

Եթե ռուս-ուկրաինական հակամարտությունը բավական երկար շարունակվի, Կիևը կարող է կորցնել Օդեսան: Այս մասին հայտարարել Է ամերիկացի գործարար Իլոն Մասկը X սոցցանցում:

«Որքան երկար շարունակվի հակամարտությունը, այնքան Ռուսաստանը ավելի շատ տարածքներ ձեռք կբերի», – ընդգծել է Մասկը:

Գործարարի խոսքով՝ Ուկրաինան չմտածված կերպով կորցրեց զինվորներին՝ հարձակվելով ավելի մեծաքանակ բանակի վրա, որն ուներ խորքային պաշտպանություն, ականապատ դաշտեր և հզոր հրետանի։ Գլխավոր հարցը մնում Է Կիեւի կողմից Սեւ ծով հասանելիությունը կորցնելու հնարավորությունը, նշել է Մասկը։ Գործարարը խորհուրդ է տվել բանակցությունների միջոցով հասնել հակամարտության կարգավորմանը, քանի դեռ նոր տարածքների կորուստ տեղի չի ունեցել:

Մարտի 30-ին ՌԴ նախագահի մամուլի քարտուղար Դմիտրի Պեսկովը նշել էր, որ չի կարելի հաշվի չառնել նոր իրողությունը, որը ձևավորվել է Ռուսաստանին չորս նոր սուբյեկտների միանալուց հետո: Այսպես է նա մեկնաբանել Ուկրաինայի նախագահ Վլադիմիր Զելենսկու խոսքերը, որը թույլ է տվել բանակցությունների հնարավորությունը։

Մարտի 29-ին Զելենսկին ամերիկյան CBS հեռուստաալիքին տված հարցազրույցում առաջին անգամ մեղմացրեց դիրքորոշումը Ռուսաստանի հետ բանակցություններ վարելու հարցում։ Նա հնարավոր է համարել, որ երկխոսությունը կարող է սկսվել մինչև Ուկրաինայի 1991թ.սահմանները վերադառնալը: