Պուտինը հեռախոսազրույց է ունեցել Տաջիկստանի նախագահի հետ
Տաջիկստանի նախագահ Էմոմալի Ռահմոնը հեռախոսազրույց է ունեցել ՌԴ նախագահ Վլադիմիր Պուտինի հետ և դատապարտել «Կրոկուս Սիթի Հոլում» տեղի ունեցած ահաբեկչությունը: Այս մասին հայտնել են Տաջիկստանի նախագահի մամուլի ծառայությունից։
Ռահմոնն ընդգծել է, որ ահաբեկիչները «ազգություն, հայրենիք և կրոն չունեն»:
Ռուսաստանը և Տաջիկստանը նույնպես հաստատել են «ահաբեկչության, ծայրահեղականության և կրոնական արմատականության դրսևորումների դեմ պայքարում սերտ փոխգործակցությունը շարունակելու մտադրությունը, որոնք լուրջ սպառնալիք են ներկայացնում անվտանգության համար», - նշել են Էմոմալի Ռահմոնի ներկայացուցիչները:
Ռահմոնը հայտարարել է Տաջիկստանի քաղաքացիների համերաշխության մասին ռուս ժողովրդի հետ:
Հիշեցնենք` ավելի վաղ BAZA-ն հաղորդել էր, որ ենթադրյալ հանցագործների ավտոմեքենան կանգնեցվել է Բրյանսկի մարզում. 6-ից 2-ը ձերբակալվել են, 4-ը փախուստի դիմել։ Ձերբակալվածները Տաջիկստանի քաղաքացիներ են։
Սակայն ավելի ուշ Տաջիկստանի ԱԳՆ-ն կեղծ է անվանել Մերձմոսկովյան ահաբեկչությանը Հանրապետության քաղաքացիների մասնակցության մասին տեղեկատվությունը:
