Միակ պետության ղեկավարը, որի խելքը բավականացրեց ահաբեկչության մեջ ՌԴ-ին մեղադրել, Զելենսկին է. Զախարովա

Ուկրաինական «տեղեկատվական ահաբեկիչները» ցնծում էին ահաբեկչության ժամանակ, հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«Կիևի քարոզչական հանցավոր խմբավորումը երեկ ուղիղ եթերում էր, մինչ մարդիկ սպանվում էին նրանց կողմից, ովքեր այնուհետ շտապեցին դեպի Ուկրաինայի սահման: Այս տեղեկատվական ահաբեկիչները փառաբանեցին և մարդատյաց կարգախոսներ արձակեցին՝ ուղղակիորեն մեղադրելով Ռուսաստանին և նրա ղեկավարությանն ահաբեկչության կազմակերպման մեջ:

Միակ պետության ղեկավարը, ում խելքը բավականացրեց ահաբեկչության մեջ ՌԴ-ին մեղադրել, Զելենսկին է:
Ոչ մի անեծք չի կարող ոչնչացնել նրան այնքան ուժգին, որքան իր սեփական ինքնաբացահայտման հայտարարությունը։

Ահա թե ինչու Սպիտակ տունը փող ու զենք է տալիս՝ խթանելով Ուկրաինայում նացիզմ, այլատյացություն և ահաբեկչություն»,- գրել է Զախարովան։