ՆԱՏՕ-ում մեկնաբանել են դաշինքին Ուկրաինայի անդամակցությունը

ՆԱՏՕ-ի ռազմական կոմիտեի ղեկավար, ծովակալ Ռոբ Բաուերը հայտարարել է, որ դաշինքին Ուկրաինայի անդամակցության հարցը լուծված է: Այս մասին հայտնում է ՌԻԱ Նովոստին։

Նա ընդգծել է, որ տվյալ հարցի շուրջ քննարկումներ չկան, Ուկրաինան հաստատ կլինի դաշինքի անդամ:

Նրա խոսքով՝ քննարկումները շարունակվում են, թե երբ դա կարող է տեղի ունենալ, ինչպես նաև ինչ է անհրաժեշտ դրա համար։

Միևնույն ժամանակ, Բաուերն ընդգծել է, որ անդամակցության պայմաններից մեկը Ուկրաինայի տարածքում ռազմական գործողությունների բացակայությունն է, և դրանք, նրա խոսքով, շուտով չեն ավարտվի:

Մինչ այդ Լեհաստանի արտգործնախարար Ռադոսլավ Սիկորսկին հայտարարել էր, որ Ուկրաինային ՆԱՏՕ հրավիրելը այն ժամանակ, երբ երկիրը հակամարտության մեջ է, կարող է հանգեցնել Ռուսաստանի հետ Հյուսիսատլանտյան դաշինքի պատերազմի:

Նրա խոսքով՝ Ֆինլանդիան և Շվեդիան երկրներին ՆԱՏՕ հրավիրելու պահին անվտանգության երաշխիքներ են ստացել, բայց եթե Ուկրաինան ստանա նույնպիսի երաշխիքներ, ապա դա կհանգեցնի Ռուսաստանի հետ պատերազմի: