ՌԴ-ում «Բելգորոդ-Արենա» սպորտային համալիրի շենքը վնասվել է Ուկրաինայի զինված ուժերի կողմից գնդակոծության հետևանքով։ Այս մասին ասել է հաստատության տնօրեն Յուրի Չեռնիկովը, փոխանցում է Forbes.ru-ն:

«Կենտրոնական մուտքը՝ գրեթե չկա։ Վարչական շենքում իմ աշխատասենյակը, քարտուղարի աշխատասենյակները չկան, ամեն ինչ կոտրված է: Ապակիները վնասվել են 20 տոկոսով», - ասել է նա։ 

Չեռնիկովի խոսքով ՝ գնդակոծության պահին շենքում ոչ ոք չի եղել։ 

«Բոլոր աշխատակիցներն աշխատում են հեռակա կարգով: Արդյունքում ոչ ոք չի տուժել»,- նշել է նա ։

Համացանցում հրապարակվել է հարվածի պահը։