ՌԴ գլխավոր դատախազությունը գործարար, «խեցգետնի արքա» Օլեգ Կանի սպանությունն անվանել է բեմականացված

ՌԴ Գլխավոր դատախազությունը գործարար, «խեցգետնի արքա» Օլեգ Կանի մահը համարում է բեմականացված, ասել է գերատեսչության ներկայացուցիչը արբիտրաժային դատարանի նիստում ձեռնարկատիրոջ և ձկնորսության այլ սեփականատերերի դեմ հայցի վերաբերյալ։

Գլխավոր դատախազությունը նշել է, որ Սանկտ Պետերբուրգի և Սախալինի շրջանի ՔԿԱԳ-ները ներկայացրել են նույն վկայականները, որ Կանի մահը չի գրանցվել։ Բացի այդ, հարազատները չեն դիմել ՔԿԱԳ, թեև օրենքը պարտավորեցնում է նրանց մահվան մասին հայտարարություն ներկայացնել, եթե այդ մասին հայտնի դառնա:

Մարտի 19-ին РИА Новости–ն, վկայակոչելով Օլեգ Կանի ներկայացուցչին, հայտնել է, որ «խեցգետնի արքան» մահացել է ավելի քան մեկ տարի առաջ։ 2023 թվականի փետրվարի վերջին գործարարի մահվան մասին տեղեկություն հայտնվեց նաև մի քանի տարածաշրջանային թելեգրամային ալիքներում։ Այնուհետև հաղորդվում էր, որ նա մահացել է Լոնդոնում ենթաստամոքսային գեղձի քաղցկեղից և թաղվել Հարավային Կորեայում։

Օլեգ Կանը մեղադրվում է երկու քրեական գործերով՝ պատվերով սպանության և հանցավոր համայնքի ղեկավարման համար։ Այս դեպքերով ձեռնարկատիրոջ նկատմամբ հայտարարվել է հետախուզում։ 2024 թվականի հունվարի 23-ին Գլխավոր դատախազությունը 376 միլիարդ ռուբլու երկու հայց է ներկայացրել Կանի և ձկնարդյունաբերության մեկ այլ խոշոր գործարար Դմիտրի Դրեմլյուգայի դեմ, որը նույնպես ներգրավված է Ռուսաստանում մի քանի քրեական գործերում և այժմ ապրում է արտերկրում: Այս հայցով պատասխանողներն են 31 ընկերություն և 29 ֆիզիկական անձ։