«Գազպրոմը» սկսել է միավորել Ռուսաստանի արևելքում գտնվող երկու խոշոր գազատարներ

«Գազպրոմը» սկսել է միացնել «Սիբիրի ուժը» և «Սախալին-Խաբարովսկ-Վլադիվոստոկ» խոշոր գազատարները, ասվում է ընկերության հաղորդագրության մեջ: Դրանք կմիացվեն Բելոգորսկ-Խաբարովսկ գազատարով, գրում է РБК–ն:

Ընկերության տվյալներով՝ այս գազատարը «Արևելյան գազամատակարարման համակարգ» նախագծի առաջին փուլն է, որն իր հերթին նախատեսում է Ռուսաստանի արևելյան մասում գազային ենթակառուցվածքի համակողմանի զարգացում և ինտեգրում արևմտյան գազային հզորություններին։

«Դա կապահովի ներքին սպառողներին գազի մատակարարման լրացուցիչ հուսալիություն և ճկունություն և նոր հնարավորություններ կբացի Սիբիրի և Հեռավոր Արևելքի շրջաններում գազիֆիկացման զարգացման համար», - ընդգծել է «Գազպրոմը»:

«Սիբիրի ուժը» ավելի քան 3 հազար կմ երկարություն ունեցող մայր գազատար է, որը գազ է տեղափոխում Իրկուտսկի մարզի Կովիկտինսկոյե և Յակուտիայի Չայանդինսկոյե հանքավայրից մինչև Հեռավոր Արևելքի և Չինաստանի ռուս սպառողներին: Գազատարն անցնում է Իրկուտսկի շրջանի, Յակուտիայի և Ամուրի շրջանի տարածքներով։ Նրա արտահանման հզորությունը կազմում է 38 մլրդ խմ/մ: