Մենք ընդհանուր պատրաստակամություն ունենք․ Զախարովա

Ռուսաստանի ԱԳՆ ներկայացուցիչ Մարիա Զախարովան Բեռլինին կոչ է արել հստակեցնել, թե երբ Գերմանիայում կհայտնվի ժողովրդավարական ընտրությունների համակարգ՝ երկրի ղեկավարության ուղղակի ընտրությամբ: ՏԱՍՍ-ի հետ զրույցում նա այսպես է արձագանքել Գերմանիայի կառավարության ներկայացուցիչ Քրիստիանե Հոֆմանի այն հայտարարությանը, թե Գերմանիան օրինական չի ճանաչում Ռուսաստանի նախագահի անցած ընտրությունները: Փոխանցում է gazeta.ru-ն։

«Ճշտեք նրանից. երբ են Գերմանիայում մտադիր իրենց ընտրությունների համակարգը դարձնել իսկապես ժողովրդավարական, որը ենթադրում է ուղղակի ընտրություններ ղեկավարի ժողովրդի կողմից»,- ասել Է Զախարովան։

Մինչ այդ ԳԴՀ կառավարության ներկայացուցչի տեղակալ Քրիստիանե Հոֆմանը հայտնել էր, որ Գերմանիայի կառավարությունը պատրաստակամություն ունի շփվել Ռուսաստանի առաջնորդ Վլադիմիր Պուտինի հետ, սակայն նախագահական ընտրություններում հաղթանակի կապակցությամբ նրան չի շնորհավորի:

«Մենք ընդհանուր պատրաստակամություն ունենք, եթե դա օգտակար լինի, խոսել նաև Պուտինի հետ, բայց այս պահին դա չի նախատեսվում», — հայտարարել է նա: