ՄԱԿ-ը հայտարարել է, որ կշարունակի աշխատել Ռուսաստանի նոր կառավարության հետ
ՄԱԿ-ը կշարունակի համագործակցել Ռուսաստանի կառավարության հետ, երբ այն ձևավորվի: Այս մասին հայտարարել է համաշխարհային կազմակերպության գլխավոր քարտուղարի մամուլի քարտուղարի տեղակալ Ֆարհան Հակը՝ մեկնաբանելով Ռուսաստանի Դաշնությունում կայացած նախագահական ընտրությունների արդյունքները։
«Մենք ընդհանրապես ընտրությունների հետ կապված մեկնաբանություն չունենք, իհարկե, մենք շարունակում ենք համագործակցել Ռուսաստանի կառավարության հետ և կշարունակենք դա անել»,- ասել է նա։
Հակը հավելել է, որ ՄԱԿ-ը «ստանդարտ ընթացակարգեր» կիրականացնի, երբ կաբինետը ձևավորվի։
Նրան հարցրել են, թե արդյոք համաշխարհային կազմակերպության գլխավոր քարտուղար Անտոնիո Գուտերեշը մտադիր է կապ հաստատել ՌԴ նախագահ Վլադիմիր Պուտինի հետ։
«Երբ կառավարությունը ձևավորվի, մենք ստանդարտ ընթացակարգեր կգործադրենք կառավարության հետ փոխգործակցության մասով»,- պատասխանել է Հակը։
