Դա աբսուրդ է․ Դմիտրի Պեսկով
Կրեմլի պաշտոնական ներկայացուցիչ Դմիտրի Պեսկովը «անհեթեթություն» է անվանել ՌԴ-ում նախագահական ընտրությունների արդյունքները չճանաչելու կոչերը:
Պեսկովի խոսքով՝ այն ընդդիմադիրները, որոնք արևմտյան երկրներին կոչ են անում չճանաչել ընտրությունների լեգիտիմությունը, առաջարկում են չճանաչել ՌԴ բնակչության ճնշող մեծամասնության ձայների լեգիտիմությունը:
«Դա աբսուրդ է։ Մենք դրան այդպես ենք վերաբերվում», - ընդգծել է նա։
Մինչ այդ Պեսկովը կանխատեսելի էր անվանել ԱՄՆ-ի հայտարարությունները Ռուսաստանի նախագահի ընտրությունների անազնվության մասին:
Հիշեցնենք՝ մարտի 15-17-ը Ռուսաստանում անցկացվել է նախագահական ընտրությունների քվեարկությունը, այդ թվում՝ հեռավար ձևաչափով:
Նախագահի պաշտոնի համար 2008 թվականից ի վեր առաջին անգամ պայքարել են չորս թեկնածուներ՝ Վլադիսլավ Դավանկովը, Վլադիմիր Պուտինը (որպես ինքնաառաջադրված), Լեոնիդ Սլուցկին և Նիկոլայ Խարիտոնովը:
Ձայների 99,74%– ի հաշվարկից հետո Պուտինը հավաքել է ձայների 87,29% – ը, Խարիտոնովը՝ 4,30% – ը, Դավանկովը՝ 3,84% - ը, Սլուցկին՝ 3,21% - ը:
