ՏԵՍԱՆՅՈՒԹ. Անօդաչու թռչող սարքերը հարվածել են Սամարայի նավթավերամշակման գործարաններին

Սամարայի շրջանի նահանգապետ Դմիտրի Ազարովը հայտնել է, որ անօդաչու թռչող սարքերը (ԱԹՍ) փորձել են հարձակվել տարածաշրջանի երկու նավթավերամշակման գործարանների վրա՝ Սիզրանի և Նովոկույբիշևսկու վրա։ Նրա խոսքով՝ զոհեր և վիրավորներ չկան։ Սիզրան նավթավերամշակման գործարանում հրդեհ է բռնկվել.

«Անօդաչու թռչող սարքի հարձակման արդյունքում հրդեհ է բռնկվել Սիզրանի  նավթամթերքների վերամշակման գործարանում։ Նախնական տվյալներով՝ զոհեր չկան»,- լրագրողներին ասել է նահանգապետը։

Նա հավելել է, որ Նովոկուիբիշևսկի նավթավերամշակման գործարանի վրա հարձակումը հետ է մղվել։ Նահանգապետի խոսքով՝ այնտեղ նույնպես զոհեր և վիրավորներ չկան։

Ավելի վաղ Սիզրանի քաղաքապետարանը հայտնել էր, որ նավթավերամշակման գործարանի տարածքում հրդեհ է տեղի ունեցել։ Հրդեհի մակերեսը կազմել է 500 քմ։