Պուտինը նշել Է Մակրոնի սուր արձագանքի պատճառը
Ֆրանսիայի նախագահ Էմանուել Մակրոնի սուր արձագանքը Ռուսաստանի Դաշնության հասցեին կարող է կապված լինել Աֆրիկայում տեղի ունեցող իրադարձությունների հետ: Այս մասին ՌԴ նախագահ Վլադիմիր Պուտինը հայտարարել է «России 1»-ի և ՌԻԱ Նովոստիի համար լրագրող Դմիտրի Կիսելյովին տված հարցազրույցում:
Լրագրողը պետության ղեկավարին հարցրել է, թե արդյոք ֆրանսիական կողմի հակառուսական հայտարարությունները կարող են վրեժխնդրություն լինել այն բանի համար, որ ՌԴ-ն «տրորել է Ֆրանսիայի պոչը» Աֆրիկյան մայրցամաքում: Պուտինի կարծիքով՝ պաշտոնական Փարիզն ինչ-որ դժգոհություն ունի։
«Բայց երբ նա (Մակրոնը) և ես ուղիղ կապեր պահպանեցինք, մենք բավականին բաց խոսեցինք այս թեմայով», - հավելել է Ռուսաստանի ղեկավարը:
Մարտին ֆրանսիական «Հայրենասերներ» կուսակցության առաջնորդ Ֆլորիան Ֆիլիպոն հայտարարել էր, որ Ֆրանսիայի նախագահը փորձում է ուժ ցույց տալ, բայց ամբողջ Ռուսաստանը ծիծաղում է նրա վրա Կիև մեկնելու վախի պատճառով:
Մինչ այդ Մակրոնն ասել էր, որ Ռուսաստանն «ագրեսիվ է վարվում» Եվրոպայի նկատմամբ՝ ճգնաժամեր հրահրելով Աֆրիկայում և կիբերանվտանգության սպառնալիքներ ստեղծելով:
Ավելի վաղ Մակրոնը խոսել էր Պուտինի «պարադոքսի» մասին:
