Լեհ ֆերմերները կշարունակեն փակ պահել Ուկրաինայի հետ սահմանային անցակետը
Լեհ ֆերմերներն ավելացրել են բեռնատարների թիվը, որոնց թույլատրվում է անցնել Ուկրաինայի հետ Դորոգուսկի սահմանային անցակետով, սակայն հրաժարվել են այն ամբողջությամբ ապաշրջափակելու խոստումից, հաղորդում է լեհական PAP գործակալությունը:
Բողոքի ակցիայի առաջնորդ Վոյցեխ Լոսը PAP-ին հայտնել է. որ սահմանը հատելու թույլտվություն ունեցող բեռնատարների թիվը նախկին մեկ կամ երկուսից դարձել է ժամում հինգը։ Ավելի վաղ նա ասել էր, որ այնտեղ մնացած բոլոր բեռնատարներին կթողնեն անցնել որպես բարի կամքի ժեստ:
«Կազմակերպիչներից ոմանք դա էին ուզում, բայց, ցավոք, ցուցարարների միջև չկար ամբողջական համաձայնություն, և մենք ի վերջո պայմանավորվեցինք, որ բեռնատարների թույլատրելի թիվը կհասցնենք ժամում հինգի», - ասել է նա:
