Գերմանիայի փոխկանցլերն անցել է հայհոյանքների՝ կոչ անելով լուծել կլիմայի հետ կապված խնդիրները
Գերմանիայի փոխկանցլեր Ռոբերտ Հաբեկը Նյու Յորքի Կոլումբիայի համալսարանում կլիմայի փոփոխության վերաբերյալ ելույթի ժամանակ հայհոյանք է օգտագործել: Նա կոչ է արել խնդիրները ժառանգություն չթողնել սերունդներին, այլ լուծել դրանք։ Այս մասին գրում է RTVI–ը:
«Լուծե՛ք այդ (անիծյալ) խնդիրները, որոնց այժմ մենք բախվում ենք», - ասել է Հաբեկը ուսանողներին, հայտնում է Der Spiegel-ը:
Քաղաքական գործիչը, ով նաև ղեկավարում է Գերմանիայի տնտեսական և կլիմայական հարցերի նախարարությունը, քննադատել է ԱՄՆ-ին կլիմայի պաշտպանության քաղաքականության համար։ «Ես չեմ տեսնում, որ Միացյալ Նահանգները գտնվում է կլիմայական չեզոքության ճանապարհին», - ասել է Գերմանիայի փոխկանցլերը՝ հավելելով, որ ամերիկյան ածխաթթու գազի արտանետումները աշխարհում ամենաբարձրներից են։
Ըստ Հաբեկի՝ «քաղաքականությունը 30 տարի առաջ ճիշտ համարվողի կրկնությունը չէ», քանի որ այն ստիպված է «իրականության հետ գործ ունենալ այնպես, ինչպես կա»։
