Ֆրանսիայի հրապարակից անհետացել է Արցախի դրոշը․ 24news

Ֆրանսիայի հրապարակից` Ռոդենի արձանի մոտից անհետացել է Արցախի Հանրապետության դրոշը, որը տեղադրվել էր դեռ 2022 թվականի ապրիլի 5-ին «Դիմադրության» շարժման անդամների կողմից:

24news.am-ը կապ է հաստատել ՀՅԴ ԳՄ անդամ Իշխան Սաղթելյանի հետ՝ հասկանալու՝ տեղյա՞կ են, թե ուր է անհետացել դրոշը, ինչին ի պատասխան նա ասել է. «Մենք էլ ենք ուզում հասկանալ՝ ուր է անհետացել, համենայն դեպս, մեր կողմից այն չի հանվել: Տեղեկություն ունենալու դեպքում հանդես կգանք համապատասխան հայտարարությամբ»:

Լրատվամիջոցը կապ է հաստատել նաև Երևանի քաղաքապետարանի հետ, որտեղից ասել են. «Այդ դրոշը մենք չէինք տեղադրել, հեռացնելու հետ էլ կապ չունենք»։