ԵՄ–ը պետք է պատրաստ լինի ՆԱՏՕ–ից ԱՄՆ–ի դուրս գալուն. The Telegraph

Եվրոպան պետք է գործողությունների ծրագիր մշակի, եթե Միացյալ Նահանգները որոշի դուրս գալ Հյուսիսատլանտյան դաշինքից, գրում է The Telegraph թերթը՝ վկայակոչելով ՆԱՏՕ-ի երկրների անանուն դիվանագետներին։

«ՆԱՏՕ-ի դիվանագետներն ասել են, որ եվրոպացիները պետք է պլանավորեն և վերանայեն ներկայիս պաշտպանական հնարավորությունները՝ հաշվի առնելով Դոնալդ Թրամփի սպառնալիքները», - ասվում է թերթի հրապարակման մեջ:

Ըստ The Telegraph-ի զրուցակիցներից մեկի՝ Թրամփը մտահոգություն է առաջացնում, քանի որ «ոչ ոք չգիտի, թե նա ինչ է պատրաստվում անել»։ Մեկ այլ դիվանագետ ասել է, որ եթե Թրամփը հաղթի նոյեմբերին կայանալիք ԱՄՆ նախագահական ընտրություններում, նա կարող է «թուլացնել ԱՄՆ-ի հավատարմությունը դաշինքին»:

Աղբյուրները նշում են, որ անհրաժեշտ է քննարկել ՆԱՏՕ-ից ԱՄՆ-ի դուրս գալու վտանգից պաշտպանվելու ուղիները: Նրանց կարծիքով, ճիշտ սցենարի դեպքում այնպիսի երկրներ, ինչպիսին Մեծ Բրիտանիան է, ստիպված կլինեն էլ ավելի մեծ առաջնորդություն ապահովել եվրոպական անվտանգության ոլորտում։

Մեծ Բրիտանիայում, իրենց հերթին, կարծում են, որ ՆԱՏՕ-ն վերջին մեկ տարում ուժեղացել է Ֆինլանդիայի և Շվեդիայի անդամակցության շնորհիվ։

Թրամփը Հանրապետական ​​կուսակցությունից ԱՄՆ նախագահի թեկնածուի հիմնական հավակնորդն է։ The Telegraph-ը նշում է, որ «Սպիտակ տուն նրա հնարավոր վերադարձի հեռանկարը Եվրոպայում անհանգստություն է առաջացրել Ուկրաինային ամերիկյան շարունակական աջակցության, ինչպես նաև ՆԱՏՕ-ին երկրի հավատարմության առնչությամբ»: