Չելյաբինսկից բիզնեսմեն Յուրի Անտիպովը, ով հայտնվել է Forbes-ի միլիարդատերերի ցուցակում և որին մինչ օրս պատկանում է Չելյաբինսկի էլեկտրամետալուրգիական գործարանը, ձերբակալվել է խարդախության քրեական գործով։ Այս մասին հայտնում է ТАСС-ը՝ հղում անելով «իրավապահ մարմինների ներկայացուցչին»։

Աղբյուրի փոխանցմամբ՝ գործարարի ձերբակալությունից հետո կատարվում են քննչական գործողություններ։ Գործով նրա դատավարական կարգավիճակը չի նշվում։ Հայտնի է, որ հետաքննությունը վարում է ՆԳՆ-ն, սակայն օպերատիվ աշխատանքներն իրականացնում են ՌԴ ԱԴԾ աշխատակիցները։

Ձերբակալության մասին տեղեկությունը հաստատել է նաև տեղական 74.ru հրատարակությունը՝ վկայակոչելով գործարանի իր աղբյուրը։ Baza Telegram ալիքը գրում է, որ Անտիպովին տարել են հարցաքննության, որի արդյունքներով նրան կարող են կալանավորել։