ՏԵՍԱՆՅՈՒԹ. Իսրայելը ՄԱԿ-ի կենտրոնակայանի տակ գտնվող թունելում ՀԱՄԱՍ-ի հրամանատարական կետ է գտել

Իսրայելի պաշտպանության բանակը Գազայի հատվածում ՄԱԿ-ի կենտրոնակայանի տակ գտնվող թունելում գտել է ՀԱՄԱՍ-ի հրամանատարական կետը: Հրապարակվել են տեսակադրեր: 

Ինչպես հայտնում է Reuters-ը, 700 մետր երկարությամբ և 18 մետր խորությամբ թունելում գրասենյակային տարածք էր՝ պողպատե պահարաններով, համակարգչային սերվերներով և մարտկոցներով: Այնտեղ էլեկտրաէներգիան մատակարարվում էր ՄԱԿ-ի կենտրոնակայանից, իսկ հրամանատարական կետից, զինվորականների խոսքով, մարտերի մեծ մասը վերահսկվում էր։

ՄԱԿ-ը ներքին հետաքննություն է սկսել, սակայն Գազայում կազմակերպության ներկայացուցիչները հայտարարել են, որ հոկտեմբերի 12-ին իրենք ազատել են կենտրոնակայանը և այդ պատճառով «չեն կարող մեկնաբանել Իսրայելի հայտնագործությունը»: