ՏԵՍԱՆՅՈՒԹ. Խոշոր վթար Ֆլորիդայում. վայրէջք կատարելիս մասնավոր ինքնաթիռը բախվել է մեքենային

ԱՄՆ-ի Ֆլորիդա նահանգում՝ վայրէջք կատարելիս, մասնավոր ինքնաթիռը մայրուղում բախվել է մեքենային: 

Ըստ այս պահին առկա տեղեկությունների, Օհայո նահանգի համալսարանից՝ Ֆլորիդայի Նեապոլի օդանավակայան թռչող փոքր ինքնաթիռը Քոլիեր կոմսությունում բախվել է մեքենային: Վթարի պատճառով մայրուղին փակվել է:

Դաշնային ավիացիոն վարչությունը հայտնել է, որ Bombardier Challenger 600 ինքնաթիռում եղել է հինգ մարդ:

Ինքնաթիռը վայրէջք է կատարել, սակայն ենթադրաբար նրա շարժիչներից մեկը խափանվել է։ Որից հետո նա փորձել է դուրս գալ մայրուղու ավելի հարմար հատված, սակայն բախվել է մեքենային, ինչի արդյունքում պայթյուն է տեղի ունեցել։