Նոր մանրամասներ «Մեգամոլ» առևտրի կենտրոնում տեղի ունեցած դանակահարության միջադեպից
Երևանում` «Մեգամոլ» առևտրի կենտրոնում, տղամարդը դանակի մի քանի հարված է հասցրել մեկ այլ տղամարդու: Այս մասին հղում անելով Shamshyan.com կայքին, հայտնել էինք ավելի վաղ: Պարեկներն ու ոստիկանները «Մեգամոլ»-ի երկրորդ հարկում գործող «ֆուրդ կորտ»-ի հատվածում հայտնաբերել են արնանման հետքեր և հագուստներ։ Այս պահին բժիշկները պայքարում են վիրավորի կյանքի համար։
Auroranews-ը կապ է հաստատել «Մեգամոլ» առևտրի կենտրոնի հետ, որտեղից մեզ փոխանցեցին, որ անվտանգության աշխատակիցների շնորհիվ հաջողվել է ճիշտ ժամանակին ապահովել բժշկական օգնություն տուժածին, մինչ դեպքի վայր կժամաներ Շտապ օգնությունը:
Իրավիճակը գտնվել է հսկողության տակ, ապահովվել է նաեւ առեւտրի կենտրոնի այցելուների, հաճախորդների անվտանգությունը եւս:
Միջադեպի մյուս մանրամասները արդեն վաղը կճշտենք ՆԳՆ-ից եւ Քննչական կոմիտեից:
