Թուրքիայում գլխի շրջանում հրազենային վնասվածքով պաշտոնյային հայտնաբերել են իր նստավայրում
Թուրքիայի Քահրամանմարաշ նահանգի Էքինեզյու շրջանի ղեկավար Մեսութ Կոշկունին գլխի շրջանում հրազենային վնասվածքով հայտնաբերել են նրա նստավայրում, ոստիկանությունը հետաքննություն է սկսել։ Այս մասին գրում են թուրքական լրատվամիջոցները:
«Քահրամանմարաշի Էկինեզու շրջանի ղեկավար Մեսութ Կոշկունը հայտնաբերվել է իր տանը՝ գլխի շրջանում հրազենային վնասվածքով։ Ստացված տեղեկատվության համաձայն՝ միջադեպը տեղի է ունեցել Էկինեզյու շրջանում։ Ենթադրվում է, որ թաղապետի վարորդն առավոտյան գնացել է նստավայր՝ թաղապետին գրասենյակ տանելու, սակայն չի կարողացել զանգահարել: Այնուհետև վարորդը այդ մասին հայտնել է ոստիկանությանը և բժշկական ծառայություններին։ Երբ ոստիկանները մտել են շրջանի ղեկավարի նստավայր, նրանք հայտնաբերել են Կոշկունին՝ գլխին հրազենային վնասվածքով։ Զննության ժամանակ բժիշկներն արձանագրել են պաշտոնյայի մահը»,- գրում է թերթը։
Կոշկունի մարմինը դիահերձման համար տեղափոխվել է դատաբժշկական ինստիտուտի դիահերձարան։ Ոստիկանությունը հետաքննություն է սկսել պաշտոնյայի մահվան հանգամանքները պարզելու համար:
