«Քաղաքացիական պայմանագիրը» նիստ է անելու. քննարկվելու է նաև կոռուպցիոն սկանդալը
Վաղը մեկնարկելիք ԱԺ նիստից առաջ այսօր «Քաղաքացիական պայմանագիր» խմբակցությունը նիստ է անելու։ Օրակարգի հարցերից բացի, NEWS.am–ի տեղեկություններով, ՔՊ–ականները քննարկելու են նաև օրերս էկոնոմիկայի նախարարությունում ԱԱԾ–ի բացահայտած կոռուպցիոն սկանդալը։
Լրատվամիջոցի փոխանցմամբ՝ մասնավորապես խմբակցության պատգամավորներից շատերը անընդունելի են համարում հատկապես մայրական կաթով սնվող երեխայի մորը նախնական կալանք տալը։ Ի դեպ, այս օրերին «Քաղաքացիական պայմանագիր» խմբակցության պատգամավորները խուսափում են խոսել այս աղմկահարույց գործի մասին։
