ՌԴ-ից մեկնաբանել են Հայաստանի անդամակցությունը միջազգային քրեական դատարանին

Ռուսաստանի նախագահի մամուլի քարտուղար Դմիտրի Պեսկովը ճեպազրույցի ժամանակ հայտարարել է, որ Հայաստանի անդամակցությունը միջազգային քրեական դատարանին (ՄՔԴ) այդ երկրի ինքնիշխան իրավունքն է: Տեղեկությունը փոխանցում է gazeta.ru-ն։

«Բայց մեզ համար կարևոր է, որ նման որոշումները բացասաբար չանդրադառնան մեր երկկողմ հարաբերությունների վրա, որոնք մենք փայփայում ենք և որոնք հույս ունենք հետագայում զարգացնել»,- ասել Է Պեսկովը:

Փետրվարի 1-ից Հայաստանը պաշտոնապես միացել է Միջազգային քրեական դատարանին։ Հայաստանը դարձավ ՄՔԴ- ի 124-րդ անդամ պետությունը, ինչպես նաև 19-րդ պետությունը Արևելյան Եվրոպայի երկրներից: