Պրոբլեմի ծավալներն ակնհայտ մեծ են․ Փաշինյան

Եթե մենք թմրանյութ փնտրում ենք փողոցում, ապա կգտնենք մեկ փաթեթ: Այս մասին այսօր կառավարության նիստի ընթացքում նշեց վարչապետ Նիկոլ Փաշինյանը՝ ընդգծելով, որ պետք է գտնել մեծ մատակարարումների աղբյուրները:

«Կարևոր է կանխիկի շրջանառության կրճատման քաղաքականության շարունակականությունը նաև այս հարցի հետ կապված։ Կանխիկի շրջանառության կրճատումն ինչ կարևոր էլեմենտ ունի, որ այդ գումարը ոչ միայն ծախսվում է, այլ հետագիծն է երևում՝ գումարը որտեղից է եկել և ինչ ծավալներով է ծախսվում։ Պետք է ուշադրություն դարձնենք, թե ինչ է կատարվում, մեր դպրոցներում և բուհերում այդ առումով։ Պրոբլեմի ծավալներն ակնհայտ մեծ են»,- ասաց նա։

Փաշինյանը կարևորեց, որ թմրանյութերի դեմ պայքարի հարցում պետք է փոխել մեդոթները, և ներկայիս հին մեթոդներով աշխատելաոճը փոխել նորով։